ضلعی ناظم صحت خضدار سنگین الزامات کی بنیاد پر معطل

خضدار(آن لائن ) کمشنر قلات ڈویژن ڈاکٹر طفیل احمد بلوچ کے دستخط سے جاری ایک مراسلہ کے مطابق متعدد علاقوں سے موصول عوامی شکایات کے پیش نظر ضلعی ناظم صحت خضدار ڈاکٹر محمد نسیم لانگو کو پیشہ ورانہ فرائض میں عدم دلچسپی،غفلت مالی بد عنوانی اور ضلع میں قائم مختلف طبی مراکز میں ڈاکٹروں کی غیر حاضری میں ملی بھگت سمیت دیگر سنگین الزامات کی بنیاد پر معطل کیا گیا ہے ڈاکٹر نسیم لانگو اس سے قبل بھی انہی الزامات کی بنیاد پر معطل کیا گیا تھا علاوہ ازیں صوبائی سیکریٹری صحت کی جانب سے میڈیکل سپرنٹنڈنٹ ٹیچنگ اسپتال خضدار کے ڈاکٹر سرمد سعید کو ضلعی منتظم صحت خضدار کا چارج دیا گیا ہے عوامی حلقوں کی جانب سے کمشنر قلات ڈویژن ڈاکٹر طفیل احمد بلوچ کی جانب سے ڈسٹرکٹ ہیلتھ آفیسر خضدار ڈاکٹر نسیم لانگو کومعطل کرنے کے احکامات کو سراہا گیا ہے۔