بھاگ،ندی ناڑی میں آنے والے سیلابی ریلے میں ڈوب کر معصوم بچہ جاں بحق

بھاگ(یو این اے)بھاگ کے علاقے یونین کونسل جلال خان سے انتہائی افسوسناک خبر موصول ہوئی ہے، جہاں ندی ناڑی سے آنے والے سیلابی پانی میں ڈوب کر ایک معصوم بچہ جاں بحق ہو گیا ہے۔ مقامی ذرائع کے مطابق گاں ریحانزئی کا رہائشی معصوم بچہ صفیام ولد صابر حسین سیلابی ریلے کی زد میں آ گیا، جس کے نتیجے میں وہ زندگی کی بازی ہار گیا۔واقعے کے بعد علاقے میں شدید غم و غصہ اور سوگ کی لہر دوڑ گئی ہے۔ واضح رہے کہ حالیہ بارشوں کے بعد ندی ناڑی میں طغیانی کے باعث سیلابی پانی قریبی آبادیوں کی جانب بڑھ رہا ہے، جس سے انسانی جانوں کو شدید خطرات لاحق ہیں۔ مقامی افراد نے ضلعی انتظامیہ سے مطالبہ کیا ہے کہ متاثرہ علاقوں میں حفاظتی اقدامات سخت کیے جائیں تاکہ مستقبل میں ایسے المناک واقعات سے بچا جا سکے۔