پاکستان ریلویز کا آج بلوچستان میں ٹرین سروس معطل کرنے کا اعلان

کوئٹہ : پاکستان ریلویز نے 27 مارچ کو بلوچستان میں ٹرین سروس معطل کرنے کا اعلان کر دیا۔ریلوے حکام کے مطابق 27 مارچ کو ٹرین سروس فنی وجوہات اور ٹریک کی مرمت کے باعث معطل کی گئی ہے۔حکام کا کہنا ہے کہ کوئٹہ سے پشاور جانے والی جعفر ایکسپریس جمعہ کو روانہ نہیں ہوگی جبکہ پشاور سے کوئٹہ آنے والی جعفر ایکسپریس کو جیکب آباد سے واپس کر دیا جائے گا۔ریلوے حکام کے مطابق کوئٹہ سے کراچی جانے والی بولان میل اور چمن کے لیے جانے والی چمن پسنجر ٹرین پہلے ہی معطل ہے۔یاد رہے کہ گزشتہ کئی عرصے سے کوئٹہ سے دوسرے صوبوں اور اندرون صوبہ چلنے والی ٹرینوں کو معطل کرنے کی وجہ سے مسافروں اور عوام کو سفر کرنے کے لئے شدید مشکلات کا سامنا کرنا پڑرہا ہے۔