ابھیشیک شرما نے جاپان کیخلاف صفر پر آؤٹ ہوکر ٹی20 کرکٹ کا ناپسندیدہ ریکارڈ اپنے نام کرلیا
بھارتی اوپننگ بلے باز ابھیشیک شرما نےجاپان کے خلاف صفر پر آؤٹ ہو کر ٹی ٹوئنٹی کرکٹ کا ناپسندیدہ ریکارڈ اپنے نام کرلیا۔
بھارت اور جاپان کے درمیان پہلی مرتبہ ہونے والے اس تاریخی میچ میں ابھیشیک شرما پہلی ہی گیند پر صفر پر آؤٹ ہو کر پویلین واپس لوٹ گئے۔ انہیں پہلے ہی اوور میں چارلی ہارا ہنزے نے آؤٹ کیا۔
یہ رواں سال ٹی ٹوئنٹی کرکٹ میں ابھیشیک شرما 10 ویں مرتبہ صفر پر آؤٹ ہوئے تھے جس کے باعث انہوں نے پاکستان کے شاداب خان اور افغانستان کے راشد خان کو پیچھے چھوڑ دیا ہے جن کے نام ایک سال میں 9، 9 مرتبہ صفر پر آؤٹ ہونے کا ناپسندیدہ ریکارڈ تھا۔