ایرانی ریال امریکی ڈالر کے مقابلے میں تاریخی کم ترین سطح پر پہنچ گیا

ایران امریکا کشیدگی کے باعث ایشیائی کرنسیوں کی قدر میں بڑی کمی کا رجحان ہے۔

 

ایرانی ریال امریکی ڈالر کے مقابلے میں تاریخی کم ترین سطح پر پہنچ گیا، ایک ڈالر تقریباً 18 لاکھ ایرانی ریال پر پہنچ گیا، جو جنگ کے آغاز پر ایک ڈالر 17لاکھ ایرانی ریال کا تھا۔

 

خیال رہے کہ انڈونیشین روپیہ بھی امریکی ڈالر کے مقابلے میں کم ترین سطح پر پہنچ گیا ہے، انڈونیشین روپیہ 17ہزار315 فی ڈالر سے معیشت کو بڑا دھچکا لگ گیا۔

 

فلپائن کی کرنسی پیسو 2 ہفتے کی کم ترین سطح پر آگئی، تھائی لینڈ کی کرنسی باہت میں بھی رواں ماہ کمی ریکارڈ کی گئی، خلیج میں کشیدگی اور آبنائے ہرمز کی صورتحال نے ایشیائی مارکیٹوں کو متاثر کیا۔