کوئٹہ،گیس کے نئے شیڈول سے قبل ایل پی جی کا مصنوعی بحران، فی کلو قیمت 580 روپے تک پہنچ گئی

کوئٹہ : کوئٹہ شہر میں گیس کے نئے شیڈول کے نفاذ سے قبل ہی ایل پی جی کا مصنوعی بحران پیدا کر دیا گیا ہے، جس کے باعث شہریوں کو شدید مشکلات کا سامنا ہے۔ مارکیٹ ذرائع کے مطابق، ایل پی جی کی سرکاری قیمت 304.12 روپے فی کلو مقرر ہے، لیکن منافع خور مافیا نے ملی بھگت سے اسے 550 سے 580 روپے فی کلو کے درمیان فروخت کرنا شروع کر دیا ہے۔ایل پی جی کی قیمتوں میں اس بے تحاشہ اور غیر قانونی اضافے نے مہنگائی کے ستائے ہوئے عوام کی کمر توڑ کر رکھ دی ہے۔ شہریوں کا کہنا ہے کہ گیس لوڈ شیڈنگ کے باعث ایل پی جی ان کی بنیادی ضرورت ہے، مگر انتظامیہ کی خاموشی کا فائدہ اٹھاتے ہوئے دکاندار من مانی قیمتیں وصول کر رہے ہیں۔ عوامی حلقوں نے ضلعی انتظامیہ سے پرزور مطالبہ کیا ہے کہ مصنوعی بحران پیدا کرنے والے عناصر اور گراں فروشوں کے خلاف فوری کریک ڈان کیا جائے تاکہ عوام کو سرکاری نرخوں پر ایل پی جی کی فراہمی ممکن ہو سکے۔