بلوچستان حکومت کی درخواست پر 5 اپریل کو این اے 256 پر ضمنی انتخاب ملتوی

کوئٹہ(آن لائن)الیکشن کمیشن آف پاکستان نے بلوچستان حکومت کی جانب سے امن وامان کی صورتحال کے باعث ضمنی انتخاب کو ملتوی کرنے کی درخواست پر 5 اپریل کو ہونے والے قومی اسمبلی کے حلقہ این اے 256 پر ضمنی انتخاب کو ملتوی کردیا بلوچستان حکومت نے امن وامان کی صورتحال کے باعث ضمنی انتخاب کو ملتوی کرنے کی الیکشن کمیشن آف پاکستان سے درخواست کی تھی بلوچستان حکومت کی درخواست پر الیکشن کمیشن آف پاکستان نے تا حکم ثانی خضدار کے حلقہ این اے 256 پر ہونے والے انتخابات کو تا حکم ثانی ملتوی کردیا الیکشن کمیشن نے صورتحال پر بریفنگ کےلئے چیف سیکرٹری بلوچستان اور آئی جی پولیس بلوچستان کو ذاتی طور پر پیش ہونے کا حکم دیا ہے۔