حکومت بلوچستان کا ڈاکٹر ماہ نور ناصر کوبیرونِ ملک علاج معالجے کیلئے بھیجنے کا فیصلہ
کوئٹہ (آن لائن) معاون وزیر اعلی بلوچستان شاہد رندنے کہا ہے کہ وزیر اعلی بلوچستان میر سرفراز بگٹی کی ہدایت پر تیزاب گردی کا نشانہ بننے والی لیڈی ڈاکٹر ماہ نور ناصر کے بیرونِ ملک علاج معالجے کا فیصلہ ہوگیا ہے چیف منسٹر سیکرٹریٹ نے ڈاکٹر ماہ نور ناصر کے بیرونِ ملک علاج کے لیے متعلقہ حکام کو باضابطہ مراسلہ جاری کر دیاڈاکٹر ماہ نور ناصر کا علاج کراچی کے آغا خان ہسپتال میں جاری ہے اور مزید ایک ہفتے تک علاج و معالجہ جاری رہے گاڈاکٹر ماہ نور ناصر کو مزید خصوصی علاج کے لیے امریکہ بھجوایا جائے گا، حکومت بلوچستان نے اس ضمن میں ضروری کارروائی کا آغاز کر دیا حکومت بلوچستان متاثرہ لیڈی ڈاکٹر کو علاج کی بہترین سہولیات فراہم کرنے کے لیے تمام دستیاب وسائل بروئے کار لا رہی ہے۔