آپریشن غضب للحق کی کارروائیاں عید الفطر کے پیش نظر عارضی طور پر روک دی گئیں

وفاقی وزیر اطلاعات عطا تارڑ کا کہنا ہے کہ آپریشن غضب للحق کی کارروائیاں عید الفطر کے پیش نظر عارضی طور پر روک دی گئی ہیں۔

سماجی رابطے کی ویب سائٹ ایکس پر پوسٹ کرتے ہوئے انہوں نے کہا کہ سعودی عرب ، قطر اور ترکیہ کی درخواست پر آپریشن عارضی طور پر روکا گیا ہے۔

پاکستان یہ اقدام نیک نیتی سے کر رہا ہے،آج رات سے 23 اور 24 مارچ کی درمیانی شب تک کارروائیاں روک رہے ہیں۔

انہوں نے مزید کہا کہ سرحد پار سے کسی بھی حملے کی صورت میں آپریشن فوری دوبارہ شدت کیساتھ شروع کیا جائے گا۔