کوئٹہ پولیس کرایہ داری ایکٹ کی خلاف ورزی پر 15 افراد گرفتار
کوئٹہ (آن لائن) کوئٹہ پولیس نے کرایہ داری ایکٹ کی خلاف ورزی اور دیگر جرائم پیشہ عناصر کے خلاف جاری خصوصی کارروائیوں کے دوران تھانہ انڈسٹریل اور صدر کے عملے نے کرایہ داری ایکٹ کی خلاف ورزی میں ملوث ملزمان 15 ملزمان کو گرفتار کرکے ان کے قبضے سے چوری شدہ لاکھوں روپے مالیت کی پی ٹی سی ایل کی کیبل برآمد کرلیں۔ پولیس کے مطابق گزشتہ روز صدر پولیس نے کارروائی کرتے ہوئے ملزم شکیل کو گرفتار کرکے اس کے قبضے سے 3 لاکھ 50 ہزار روپے مالیت کی پی ٹی سی ایل کی مسروقہ کیبل برآمد کرلی اس کے علاوہ کرایہ داری ایکٹ کی خلاف ورزی کرنے پر فرید احمد ، غوث بخش، محمد کاشف، ضمیر احمد، قمر شوکت اور آصف کو گرفتار کرلیا جبکہ انڈسٹریل پولیس نے کرایہ داری ایکٹ کی خلاف ورزی کرنے والوں کے خلاف کارروائی کرتے ہوئے ملزمان عبداللہ ، صلاح الدین، داﺅد، ہارون، مقصود احمد ، محمود جان، محمد کامران، عبدالقیوم کو گرفتار کرلیا۔ گرفتار ملزمان کے خلاف الگ الگ مقدمات درج کرکے کارروائی شروع کردی۔