قلات،حلقہ پی بی 36 میں ری پولنگ کا عمل مکمل، الیکشن آفیشل پر تشدد کا نوٹس

کوئٹہ(یو این اے )صوبائی الیکشن کمشنر بلوچستان کے دفتر سے جاری کردہ اعلامیے کے مطابق، حلقہ پی بی 36 قلات میں ری پولنگ کا عمل پرامن ماحول میں مکمل ہو گیا ہے۔ تاہم، الیکشن کمیشن نے دورانِ پولنگ ایک الیکشن آفیشل کو حراساں کرنے اور ان پر تشدد کیے جانے کے واقعہ کا سخت نوٹس لیا ہے۔ترجمان الیکشن کمیشن کے مطابق، اس افسوسناک واقعے پر ڈسٹرکٹ ریٹرننگ آفیسر(ڈی آر او)سے فوری طور پر تفصیلی رپورٹ طلب کر لی گئی ہے۔ الیکشن کمیشن نے ڈی آر او کو ہدایت کی ہے کہ واقعہ میں ملوث تمام افراد کی جلد از جلد نشاندہی کی جائے اور ان کے خلاف قانون کے مطابق سخت کارروائی عمل میں لائی جائے۔