کراچی: ڈیری فارمرز کا دودھ کی قیمت بڑھانے کا مطالبہ، کمشنرکو خط لکھ دیا

کراچی میں ڈیری فارمرز ایسوسی ایشن نے دودھ کی قیمت میں اضافے کے لیے کمشنر کراچی کو درخواست ارسال کر دی ہے۔

 

ایسوسی ایشن کی جانب سے لکھے گئے خط میں مطالبہ کیا گیا ہے کہ شہر میں دودھ کی فی لیٹر قیمت بڑھا کر 320 روپے مقرر کی جائے۔

 

ڈیری فارمرز ایسوسی ایشن کا مؤقف ہے کہ موجودہ قیمت پر دودھ فروخت کرنے سے انہیں فی لیٹر تقریباً 70 روپے کا نقصان برداشت کرنا پڑ رہا ہے جو اب ناقابلِ برداشت ہو چکا ہے۔

 

واضح رہے کہ اس وقت کراچی کے مختلف علاقوں میں دودھ تقریباً 220 روپے فی لیٹر کے حساب سے فروخت کیا جا رہا ہے۔