ایران پر حملے کے نتیجے میں امریکی صدر ٹرمپ کے مواخذے کے امکانات بڑھ گئے

ایران پر حملے کے بعد امریکی صدر ڈونلڈ ٹرمپ کے مواخذے کے امکانات میں اضافہ دیکھا جا رہا ہے اور یہ بڑھ کر 67 فیصد تک پہنچ گئے ہیں۔

امریکی میڈیا کے مطابق یہ اندازہ سٹہ بازار کے اعداد و شمار کی بنیاد پر لگایا گیا ہے۔

ماہرین کا کہنا ہے کہ سٹہ بازار بعض اوقات سیاسی ماحول کی عکاسی کرتا ہے، تاہم اسے حتمی پیش گوئی قرار نہیں دیا جا سکتا۔

سیاسی تجزیہ کاروں کے مطابق فی الحال ٹرمپ کے مواخذے کے امکانات کم ہیں کیونکہ ری پبلکن پارٹی ایوانِ نمائندگان اور سینیٹ دونوں میں اکثریت رکھتی ہے اور پارٹی کے بیشتر ارکان صدر کی حمایت کر رہے ہیں۔

تاہم مبصرین کا کہنا ہے کہ اگر اس سال نومبر میں ہونے والے وسط مدتی انتخابات میں ڈیموکریٹس ایوانِ نمائندگان میں اکثریت حاصل کر لیتے ہیں تو سیاسی صورتحال تبدیل ہو سکتی ہے۔