مجھے پی سی بی نے صبح 3 بجے پیغام دیا کہ آپ انگلینڈ ٹیسٹ میچ کیلئے جا رہے ہیں، ایشلے نوفکے

برمنگھم کے ایجبسٹن کرکٹ گراؤنڈ پر انگلینڈ کے خلاف تیسرے ٹیسٹ سے قبل پریس کانفرنس میں ٹیم پاکستان کے فاسٹ بولنگ کوچ ایشلے نوفکےکا کہنا تھا کہ کوئی شک نہیں کہ دوران سیریز کھلاڑیوں کا تبدیل ہونا کسی بھی لحاظ سے حوصلہ افزا نہیں، البتہ ہمارا فوکس صرف کھیل پر ہے۔

آسٹریلیا کے لیے ایک ون ڈے اور 2 ٹی 20 کھیلنے والے 49 سال کے فاسٹ بولنگ کوچ کہتے ہیں کہ مجھے پی سی بی نے صبح 3 بج کر15 منٹ پر پیغام دیا ، آپ انگلینڈ ٹیسٹ میچ کے لیے جا رہے ہیں ۔

ان کا کہنا تھا کہ ایجبسٹن کی پچ پرگھاس ہے لیکن ابھی ایسا کہنا قبل ازوقت ہوگا کہ یہی پچ ٹیسٹ کے دوران ہوگی ، مطلب ٹیسٹ کی پچ پر گھاس رکھی جائیگی یا نہیں۔

ایشلے نوفکے نے پاکستان ٹیم کے کمبی نیشن کے سوال پر کہا کہ یہ تھوڑا جلد ی کیا جانے والا سوال ہے، ٹاس سے پہلے اس بارے میں بات کرنا قبل ازوقت ہوگا۔

پاکستان کرکٹ ٹیم کے فاسٹ بولنگ کوچ سے دوران پریس کانفرنس پاکستان بھیجےگئے کھلاڑیوں کے حوالے سے سوال پوچھا گیا کہ کیا واقعی ان کھلاڑیوں سے کرکٹ سے ہٹ کر کسی دوسرے معاملے پر تحقیقات کی جارہی ہیں؟

اس پر ایشلے نوفکے نے سپاٹ لہجے میں کہا کہ مجھے اس متعلق کچھ خاص نہیں معلوم ، آپ سے ہی پتہ چلا، لیکن مجھے اس متعلق کچھ نہیں پتہ، لیکن سوال کر نے والے کے جواب میں ان کا کہنا تھا کہ امید کرتا ہوں، ایسا کچھ نہ ہو، جس طرح آپ پوچھ رہے ہیں ۔