لاہور سمیت بڑے شہروں سے میئر کا عہدہ ختم کرنے سے بلدیاتی نظام کمزور ہوگا: سعد رفیق

مسلم لیگ ن کے رہنما خواجہ سعد رفیق نے سوشل میڈیا پر بیان میں کہا کہ یہ فیصلہ بیوروکریسی کو مضبوط کرنے کے مترادف ہوگا، میئر کا انتخاب ون مین ون ووٹ کی بنیاد پر براہ راست ہونا چاہئے۔

خواجہ سعد رفیق نے کہا کہ مختلف ادوار میں بلدیاتی اداروں سے چھینے گئے آئینی اختیارات واپس کئے جائیں، مقامی حکومتوں کو آئینی تحفظ اور مالی خود مختاری دی جانی چاہئے۔

رہنما مسلم لیگ ن کا مزید کہنا ہے کہ صوبائی حکومتیں اختیارات کا ارتکاز ختم کریں، با اختیار مقامی حکومتوں کا نظام قائم کرنا وقت کی اہم ضرورت ہے۔