غزہ: جبالیہ کیمپ پر اسرائیلی فورسز کے فضائی حملے میں متعدد افراد جاں بحق ہوگئے، وزارت صحت

غزہ کی وزارت صحت نے کہا ہے کہ اسرائیل کے فوجی حملے کے آغاز سے اب تک علاقے میں 15 ہزار 523 افراد جاں بحق ہو چکے ہیں۔

خبر ایجنسی ’اے ایف پی‘ کی رپورٹ کے مطابق وزارت کے ترجمان اشرف القدرہ نے بتایا کہ جاں بحق ہونے والے فلسطینیوں میں 70 فیصد خواتین اور بچے تھے، جبکہ فوجی حملوں میں 41 ہزار 316 افراد زخمی ہوئے۔

اشرف القدرہ نے کہا کہ گزشتہ چند گھنٹوں کے دوران 316 جاں بحق اور 664 زخمیوں کو ملبے سے نکال کر ہسپتالوں میں پہنچایا گیا، لیکن بہت سے لوگ اب بھی ملبے کے نیچے دبے ہوئے ہیں۔’