پاکستان کی ویسٹ انڈیز کے خلاف دوسرے ٹیسٹ میں چار تبدیلیاں، دو کھلاڑیوں کا ڈیبیو

پاکستان کی ویسٹ انڈیز کے خلاف دوسرے ٹیسٹ میچ میں چار تبدیلیاں، دو کھلاڑیوں نے ڈیبیو بھی کیا۔

پاکستان نے ویسٹ انڈیز کے خلاف دوسرے ٹیسٹ میچ کے لیے اپنی پلیئنگ الیون میں چار تبدیلیاں کرتے ہوئے دو نئے کھلاڑیوں، عبید شاہ اور اویس ظفر، کو ٹیسٹ ڈیبیو کا موقع دے دیا ہے۔

قومی ٹیم کی قیادت بابر اعظم کر رہے ہیں جبکہ پلیئنگ الیون میں اذان اویس، امام الحق، عبداللہ شفیق، بابر اعظم (کپتان)، محمد رضوان (وکٹ کیپر)، سلمان علی آغا، اویس ظفر، علی عثمان، ساجد خان، محمد علی اور عبید شاہ شامل ہیں۔

پاکستان نے گزشتہ میچ کے بہترین بولر محمد عباس کو بھی ڈراپ کر دیا ہے۔ ان کے علاوہ عامر جمال، خرم شہزاد اور شان بھی ٹیم کا حصہ نہیں ہیں، جبکہ عبداللہ شفیق اور ساجد خان کی واپسی ہوئی ہے۔

ٹاس کے بعد بابر اعظم نے کہا کہ وہ پہلے بیٹنگ کرنا چاہتے تھے، تاہم اب ہماری کوشش ہوگی کہ پہلی اننگز میں مؤثر بولنگ کرتے ہوئے ویسٹ انڈیز کو کم سے کم اسکور پر محدود رکھیں۔ انہوں نے کہا کہ ٹیم کو متحد ہو کر اپنے منصوبے پر عمل کرنا ہوگا اور اپنی صلاحیتوں پر مکمل یقین رکھنا ہوگا۔ ان کا کہنا تھا کہ خود پر بھروسہ ہے،اچھا کھیل پیش کریں گے۔

دوسری جانب ویسٹ انڈیز نے پہلے ٹیسٹ میں کامیاب رہنے والی اپنی فاتح ٹیم برقرار رکھی ہے۔ ویسٹ انڈیز کی پلیئنگ الیون میں ٹیگنرائن چندرپال، برینڈن کنگ، کیویم ہوج، شائے ہوپ (وکٹ کیپر)، عامر جنگو، جسٹن گریوز، روسٹن چیز (کپتان)، جومیل واریکن، شمر جوزف، کیمار روچ اور جےڈن سیلز شامل ہیں۔