ملک میں فی تولہ سونے کی قیمت واپس ڈھائی لاکھ سے نیچے آگئی

پاکستان میں سونے کی فی تولہ قیمت واپس ڈھائی لاکھ سے نیچے آگئی۔ 

آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 3500 روپے کی کمی ہوئی ہے۔

اس کمی کے بعد ملک میں فی تولہ سونے کا دام 2 لاکھ 48 ہزار 700 روپے کا ہوگیا۔

اسی طرح 10 گرام سونے کی قیمت 3021 روپے کم ہو کر 2 لاکھ 13 ہزار 220 روپے ہوگئی۔

عالمی بازار میں سونے کا بھاؤ 30 ڈالر کم ہو کر 2361 ڈالر فی اونس ہے۔