ہزاروں سال سے گمشدہ شہر ایمازون کے جنگل میں دریافت

ماہرینِ آثارِ قدیمہ نے ایمازون جنگل کے گھنے اور سرسبز درختوں میں ہزاروں سال سے چھپا ہوا ہے شہر دریافت کر لیا۔

جنوبی امریکی ملک ایکواڈور میں 2 دہائی قبل زمین میں دبی سڑکیں اور مٹی کے ٹیلے دریافت ہوئے جو ماہرینِ آثار قدیمہ کے لیے ناقابلِ یقین دریافت تھی۔

اب حال ہی میں’جرنل سائنس‘ میں شائع ہونے والی ایک تحقیق کے مطابق اس حوالے سے ماہرینِ آثارِ قدیمہ اسٹیفن روسٹین اور دیگر ماہرین نے لیزر سنسر ٹیکنالوجی کی مدد سے ایک نقشہ تیار کیا ہے۔

اس نقشے سے معلوم ہوتا ہے کہ وہاں کسی زمانے میں گنجان بستیاں اور سڑکیں موجود تھیں جو کوہ انڈیز کے دامن تک پھیلی ہوئی تھیں۔