ایلون مسک نے ایکس پر اپنا عہدہ اور مقام تبدیل کردیا

اسپیس ایکس اور ٹیسلا کے بانی ایلون مسک نے جب سے مائیکروبلاگنگ پلیٹ فارم ٹوئٹر کی ملکیت حاصل کی ہے تب سے شہہ سرخیوں کا حصہ ہیں۔

کبھی ٹوئٹر کا نام تبدیل کرکے ایکس رکھنے کے لیے تو کبھی 8 ڈالرز کی سبسکرپشن کے لیے، انہوں نے تصدیق شدہ اکاؤنٹس کے لیے مختلف بلو، گولڈ اور سلور ٹک بھی متعارف کروائے ہیں۔

مذکورہ بالا تبدیلوں کے بعد اب حال ہی میں ایکس کے سربراہ ایلون مسک نے سوشل میڈیا پلیٹ فارم کے بائیو میں اپنا عہدہ اور لوکیشن ہی تبدیل کردیا۔

اس کا اعلان انہوں نے سوشل میڈیا پلیٹ فارم ایکس پر پوسٹ شیئر کرکے کیا۔

ایلون مسک کے مطابق اب وہ ایکس کے ’CTO‘ یعنی ’چیف ٹرول آفیسر‘ ہیں اور ان کی لوکیشن ’ٹرولہئیم‘ (Trollheim) ہے۔