میٹا نے صارفین کیلئے ایک نئی سبسکرپشن سروس میٹا ون متعارف کرا دی

میٹا نے ایک نئی سبسکرپشن سروس صارفین کے لیے متعارف کرائی ہے۔

میٹا ون نامی اس سروس میں فیس بک، انسٹا گرام، واٹس ایپ اور میٹا اے آئی کی الگ الگ سبسکرپشنز کو ایک ہی جگہ اکٹھا کر دیا گیا ہے۔

اس سروس کو سبسکرائب کرنے والے صارفین کو میٹا کی مختلف ایپس میں متعدد ایڈوانسڈ اے آئی فیچرز اور پروفیشنل ٹولز دستیاب ہوں گے۔

اس سروس کو متعارف کرانے کا بنیادی مقصد اس وقت انفرادی صارفین کو دستیاب انسٹا گرام پلس، فیس بک پلس اور واٹس ایپ پلس سبسکرپشن پلانز کے 50 سے زائد فیچرز کو ایک جگہ فراہم کر نا ہے۔

ابھی تک ان تینوں سروسز کے سبسکرپشن پلانز استعمال کرنے والوں کی تعداد ڈیڑھ کروڑ سے زائد ہے۔

میٹا کی جانب سے کور اور پریمیئم پلانز انفرادی صارفین کے لیے متعارف کرائے گئے ہیں جن سے ان کے لیے اے آئی کی مدد سے تصاویر یا ویڈیوز استعمال کرنا آسان ہو جائے گا۔

یعنی اب یا مستقبل قریب میں میٹا کے اے آئی ماڈلز سے تصاویر یا ویڈیوز کی مفت تیاری لگ بھگ ممکن نہیں ہوگی۔

اگر آپ کریٹیر ہیں اور تینوں سروسز کے مشترکہ بنڈل کے سبسکرائبر بننا چاہتے ہیں تو اس کے لیے ماہانہ فیس 1750 روپے سے شروع ہوگی۔

اگر صرف ایک سروس کے سبسکرائبر بننا چاہتے ہیں جیسے فیس بک پلس کے تو اس کی ماہانہ فیس 299 روپے ہوگی۔