بنگلادیشی کپتان نے آسٹریلیا کے خلاف تاریخی فتح کو سب سے بڑی کامیابی قرار دے دیا

بنگلا دیش کے کپتان نجم الحسن شانتو نے آسٹریلیا کے خلاف پہلے ٹیسٹ میں تاریخی کامیابی کو ٹیم کی کسی بھی فارمیٹ میں اب تک کی سب سے بڑی فتح قرار دے دیا۔
بنگلا دیش نے ڈارون میں کھیلے گئے پہلے ٹیسٹ میں عالمی نمبر ایک آسٹریلیا کو 9 وکٹوں سے شکست دے کر دو ٹیسٹ میچز کی سیریز میں 1-0 کی ناقابل شکست برتری حاصل کرلی۔

ٹیسٹ رینکنگ میں نویں نمبر پر موجود بنگلا دیش کی آسٹریلیا میں یہ صرف تیسری ٹیسٹ میچ میں شرکت تھی، تاہم مہمان ٹیم نے آسٹریلیا کی مکمل قوت پر مشتمل ٹیم کو تمام شعبوں میں آؤٹ کلاس کر دیا۔ آسٹریلیا اس وقت ورلڈ ٹیسٹ چیمپیئن شپ پوائنٹس ٹیبل پر بھی سرفہرست ہے۔

میچ کے بعد تقریب میں گفتگو کرتے ہوئے نجم الحسن شانتو نے کہا کہ یہ بنگلا دیش کی کسی بھی فارمیٹ میں اب تک کی سب سے بڑی فتح ہے، مستقبل میں بھی ٹیم کچھ خاص کرنے کی کوشش کرے گی۔

انہوں نے کہا کہ وہ خود بھی بہت خوش اور فخر محسوس کر رہے ہیں، جبکہ پوری ٹیم نے کامیابی کے لیے بہت محنت کی۔