رام گوپال ورما اور ارمیلا نے خفیہ شادی کی تھی؟ سینئر بھارتی صحافی کا حیران کن دعویٰ

بالی ووڈ کے معروف فلم ساز رام گوپال ورما اور اداکارہ ارمیلا ماتونڈکر ایک بار پھر خبروں کی زینت بن گئے ہیں۔ ماضی میں دونوں کے درمیان قربت اور ڈیٹنگ کی افواہیں گردش کرتی رہی تھیں، تاہم اب ایک سینئر بھارتی صحافی نے دعویٰ کیا ہے کہ دونوں نے اپنے تعلقات کے دوران مبینہ طور پر خفیہ شادی بھی کر رکھی تھی۔

جیوتی وینکٹیش نے دونوں کے مبینہ تعلق کے خاتمے کی وجہ بھی بیان کی۔ ان کے مطابق ارمیلا چاہتی تھیں کہ ان کی شادی کو قانونی حیثیت دی جائے، لیکن رام گوپال ورما اس مرحلے پر ایسا کرنے کے لیے تیار نہیں تھے، جس کے باعث دونوں کے راستے الگ ہو گئے۔

رام گوپال ورما اور ارمیلا ماتونڈکر نے ماضی میں کئی کامیاب فلموں میں ایک ساتھ کام کیا، جن میں رنگیلا، دوڑ، ستیا اور پیار تُو نے کیا نمایاں ہیں۔ تاہم خفیہ شادی سے متعلق سامنے آنے والے اس دعوے کی نہ تو دونوں شخصیات نے تصدیق کی ہے اور نہ ہی اس حوالے سے کوئی باضابطہ ثبوت منظر عام پر آیا ہے۔