نصیر آباد ‘ خون سفید ہو گیا ‘ بیٹے نے فائرنگ کر کے باپ کو قتل کر دیا
نصیرآباد .ڈیرہ مراد جمالی کچی پھاٹک کے قریب ایک انتہائی افسوسناک اور دل دہلا دینے والا واقعہ پیش آیا جہاں معمولی گھریلو تکرار ایک المناک سانحے میں تبدیل ہوگئی اطلاعات کے مطابق بیٹے حفیظ جمالی نے طیش میں آکر فائرنگ کر دی جس کے نتیجے میں اس کے والد دین محمد جمالی موقع پر ہی جان کی بازی ہار گئے واقعے کے بعد علاقے میں غم و اندوہ کی فضا چھا گئی جبکہ اہل خانہ پر قیامت ٹوٹ پڑی ایک باپ جس نے اپنے بیٹے کو محبت اور شفقت سے پالا اسی بیٹے کی گولی کا نشانہ بن گیاملزم واردات کے بعد فرار ہوگیا جبکہ پولیس نے واقعے کی تحقیقات شروع کر دی ہیں یہ المناک واقعہ معاشرے میں بڑھتی ہوئی عدم برداشت اور غصے کے خطرناک نتائج کی ایک دردناک مثال بن گیا ہے