بلوچستان میں 3762 سرکاری گاڑیوں کا ریکارڈ دستیاب نہ ہونے کا انکشاف ہوا ہے

کوئٹہ (آن لائن ) بلوچستان میں 3762 سرکاری گاڑیوں کا ریکارڈ دستیاب نہ ہونے کا انکشاف ہوا ہے۔جس پر وزیر اعلیٰ بلوچستان نے 3 رکنی کمیٹی تشکیل دے دی جو ریکارڈ میں غائب گاڑیوں کا سراغ لگائے گی۔ محکمہ ایکسائز نے رپورٹ وزیراعلیٰ بلوچستان سرفراز بگٹی کو پیش کردی، رپورٹ کے مطابق محکمہ ایکسائز کے ڈیٹابیس میں سرکاری گاڑیوں کی تعداد 14304 ہے جبکہ تصدیقی عملی میں 3672 گاڑیاں محکمہ زراعت کی 1142 گاڑیوں کا کوئی پتا نہیں ہے، محکمہ پولیس کی 443، لوکل گورنمنٹ کی171 محکمہ صحت کی 168، محکمہ تعلیم کی 131 محکمہ نظم و نسق اور منصوبہ بندی و ترقیاتی کی 113،113 محکمہ منصوبہ بندی کے پاس 65، سماجی بہبود کے پاس 63 گاڑیاں دستیاب نہیں۔وزیراعلیٰ بلوچستان نے ان گاڑیوں کی معلومات کےلئے سہ رکنی کمیٹی بنادی۔