کوئٹہ میں چوری ڈکیتی کی وارداتوں میں اضافہ

کوئٹہ (ایریارپورٹر)کوئٹہ میں چوری ڈکیتی کی وارداتوں میں اضافہ، متعلقہ پولیس حکام علاقے میں فوری طورپر گشت بڑھائی جائے علاقہ مکینوں کی اپیل،مشرق سروے ٹیم سے بات چیت کرتے ہوئے رئیسانی روڈ کے رہائشی فیض اللہ ودیگر نے بتایا ہے کہ کوئٹہ کے علاقے رئیسانی روڈ میں ایک بار پھر چوری کی واردات پیش آئی، جہاں ایک ہی رہائشی کالونی سے نامعلوم افراد چوتھی دفعہ دن دیہاڑے موٹر سائیکل چوری کر کے فرار ہو گئے ہیں علاقہ مکینوں کے مطابق گزشتہ کچھ عرصے سے اسی کالونی میں چوری کے واقعات میں اضافہ دیکھنے میں آ رہا ہے جس کی وجہ سےرہائشی پریشانی کا شکار ہیں، علاقہ مکینوں کاکہنا ہےکہ بار بار ہونے والی وارداتوں کے باوجود سیکیورٹی کے مو¿ثر انتظامات دکھائی نہیں دے رہے۔مکینوں نے متعلقہ حکام سے مطالبہ کیا ہے کہ علاقے میں پولیس گشت بڑھائی جائے اور چوری کی بڑھتی ہوئی وارداتوں کا نوٹس لیا جائے تاکہ شہریوں کے مسائل کم ہو سکیں۔