تیل اور بجلی کی بچت کیلئے بنگلا دیش کا عید کی چھٹیوں تک یونیورسٹیاں بند کرنے کا اعلان

تیل اور بجلی کی بچت کیلئے بنگلا دیش کی حکومت کا بڑا اقدام سامنے آیا ہے۔

 

بنگلا دیش حکومت نے عید کی چھٹیوں تک ملک بھر کی یونیورسٹیاں بند کرنےکا اعلان کردیا ہے،آج سے بنگلا دیش کی تمام یونیورسٹیوں میں عام تعطیل ہوگی۔

 

بنگلا دیشی میڈیا رپورٹس کے مطابق عوام کو بھی دن کے وقت بجلی کا استعمال کم سے کم کرنے کی ہدایت کی گئی ہے۔

 

خیال رہے کہ ایران اسرائیل امریکا جنگ کے باعث آبنائے ہرمز کی بندش سے تیل کی سپلائی معطل ہوگئی ہے،عالمی منڈی میں خام تیل کی فی بیرل قیمت 100 ڈالر سے بڑھ گئی ہے