پشین میں غیر قانونی طور پر اومان کے پودوں کی سمگلنگ کی کوشش ناکام ‘70 من پودے برآمد

کوئٹہ (سٹی رپورٹر) محکمہ جنگلات و جنگلی حیات کے عملے نے پشین میں غیر قانونی طور پر اومان کے پودوں کی سمگلنگ کی کوشش ناکام بناتے ہوئے ٹرک سے 70 من پودے برآمد کرکے 4 ملزمان کو گرفتار کرکے ٹرک قبضے میں لیکر ملزمان کے خلاف فارسٹ ایکٹ کے تحت مقدمہ درج کرلیا تفصیلات کے مطابق گزشتہ روز ڈویڑنل فارسٹ آفیسر اجمل خان، رینج فارسٹ آفیسر رمضان علی، فارسٹر نقیب اللہ اوردیگر عملے نے پشین سے سرخاب کے راستے اومان کے پودے سمگل کرنے کی کوشش ناکام بناتے ہوئے ٹرک میں لوڈ 70 من پودے قبضے میں لیکر 4 ملزمان کو گرفتار کرکے ان کے خلاف مقدمہ درج کرکے کارروائی شروع کردی۔