خاران ‘ وردی میں ملبوس مسلح افراد کی قبائلی شخصیت کے گھر ڈکیتی

خاران (آن لائن ) خاران کے علاقے میں گزشتہ روز وردی میں ملبوس مسلح افراد نے قبائلی شخصیت کے گھر ڈکیتی کرکے گھر سے لاکھوں روپے مالیت کے زیورات، نقدی اور دیگر قیمتی سامان لوٹ کر خواتین کے ساتھ غیر مناسب رویہ اپنا کر ان کی تذلیل کرنے کے خلاف علاقہ مکینوں نے چیف چوک خاران میں دھرنا دیا جس سے ہر قسم کی ٹریفک معطل ہوگئی دھرنے کے شرکاءکا مطالبہ ہے کہ واردات میں ملوث ملزمان کو گرفتار کرکے ان کے خلاف قانونی کارروائی کی جائے تاکہ انصاف کے تقاضے پورے ہو دھرنے کے شرکاءسے مذاکرات کے لئے ڈپٹی کمشنر موقع پر پہنچے اور مذاکرات کئے اس موقع پر دھرنے کے شرکاءنے اپنے مطالبات پیش کرتے ہوئے کہا کہ ہمارے لوٹے گئے سامان برآمد کرکے واقعہ میں ملوث ملزمان کے خلاف مقدمہ درج کرکے کارروائی کی جائے تاکہ انصاف کے تقاضے پورے ہو اور لوگوں کے جان و مال کے تحفظ کو یقینی بنایا جاسکے۔