انضمام الحق نے ورلڈکپ 2023 میں قومی ٹیم کی ناقص کارکردگی کا ذمہ دار ذکاء اشرف کو ٹہرادیا
سابق چیف سلیکٹر انضمام الحق نے ورلڈکپ 2023 میں قومی ٹیم کی ناقص کارکردگی کا ذمہ دار پی سی بی کے سابق سربراہ ذکاء اشرف کو ٹہرادیا۔
پاکستان کرکٹ ٹیم کے سابق چیف سلیکٹر انضمام الحق نے پی سی بی مینجمنٹ کمیٹی کے سابق چیئرمین ذکاء اشرف کو کڑی تنقید کا نشانہ بنایا ہے۔
انہوں نے ورلڈکپ 2023 میں قومی ٹیم کی ناقص کارکردگی کے لیے ذکاء اشرف کی مداخلت کو ذمہ دار ٹہرایا جب کہ وہ ورلڈکپ کے دوران ذکاء اشرف کے بیانات سے خوش نہیں تھے۔
انہوں نے کہا کہ ذکاء اشرف کی جانب سے ٹیم سلیکٹ نہ کرنے والے بیان نے کھلاڑیوں میں منفی سوچ پیدا کی۔