بلوچستان میں پولیو وائرس کا ماحولیاتی نمونہ مثبت، حکام میں تشویش کی لہر

کوئٹہ(یو این اے )بلوچستان میں پولیو وائرس کا ایک اور ماحولیاتی نمونہ مثبت آنے کے بعد محکمہ صحت اور انسدادِ پولیو حکام میں تشویش کی لہر دوڑ گئی ہے۔ ذرائع کے مطابق مارچ کے مہینے میں صوبے کے متاثرہ علاقے سے حاصل کیے گئے نکاسی آب کے نمونے میں پولیو وائرس کی موجودگی کی تصدیق ہوئی ہے، جو اس بات کا ثبوت ہے کہ وائرس تاحال ماحول میں موجود ہے اور بچوں کی صحت کے لیے خطرہ بنا ہوا ہے۔اس حالیہ رپورٹ کے بعد صوبائی حکومت اور انسدادِ پولیو پروگرام نے ہنگامی بنیادوں پر اقدامات کا فیصلہ کیا ہے۔ حکام کا کہنا ہے کہ وائرس کے پھیلا کو روکنے کے لیے متاثرہ علاقوں میں خصوصی مہمات چلائی جائیں گی اور نگرانی کے نظام کو مزید سخت کیا جائے گا۔ والدین سے اپیل کی گئی ہے کہ وہ اپنے بچوں کو عمر بھر کی معذوری سے بچانے کے لیے پولیو سے بچا کے قطرے ضرور پلائیں اور صحت کی ٹیموں کے ساتھ مکمل تعاون کریں تاکہ صوبے کو اس موذی مرض سے پاک کیا جا سکے۔