شاہد آفریدی اسلام آباد مذاکرات کی کامیابی اور امن کی راہیں کھلنے کیلئے دعاگو

پاکستان کرکٹ ٹیم کے سابق کپتان اور ٹیسٹ کرکٹر شاہد خان آفریدی نے اسلام آباد مذاکرات کامیاب ہونے کی دعا کی۔

سماجی رابطے کی ویب سائٹ ایکس پر جاری اپنے بیان میں شاہد آفریدی نے کہا کہ تاریخ اُس وقت لکھی جاتی ہے جب مکالمہ شروع ہوتا ہے۔

شاہد آفریدی نے کہا کہ پاکستان میں ایران اور امریکا کے وفود کی ملاقات ایک فیصلہ کن لمحہ ہے، جو حالیہ کشیدگی کے بعد امن کی نئی راہیں کھول سکتی ہے۔

سابق کپتان نے مزید کہا کہ میری دعا ہے کہ دانشمندی غالب آئے، اختلافات کم ہوں، اور اسلام آباد مذاکرات سے امن کی نئی امید جنم لے۔