غزہ میں حماس کی جگہ لینے کیلیے فلسطین اتھارٹی کو منا رہے ہیں، برطانیہ

برطانوی وزیر دفاع گرانٹ شیپس نے کہا ہے کہ غزہ میں حماس کی جگہ حکومت سنبھالنے کے لیے فلسطین اتھاٹی کو راضی کرنے کی کوشش کر رہے ہیں جس سے مشرق وسطیٰ میں امن بحالی میں مدد ملے گی۔

عالمی خبر رساں ادارے کے مطابق برطانوی وزیر دفاع گرانٹ شیپس فلسطین کے دورے کے دوران مغربی کنارے پہنچے اور امدادی کاموں میں مصروف برطانوی فوجیوں سے بھی ملاقات کی۔

اس ملاقات کے دوران برطانوی وزیر دفاع گرانٹ شیپس نے کہا کہ فلسطینی اتھارٹی کو غزہ کی حکومت سنبھالنے کے لیے تیار کر رہے ہیں۔ اگر ایسا ہوجاتا ہے تو فلسطین تنازع کا مستقل حل نکل آئے گا۔