یومِ خواتین ہمیں یہ پیغام دیتا ہے کہ خواتین کو بااختیار بنانا دراصل مستقبل کو بااختیار بنانا ہے۔ سوشل ایکٹوسٹ ماہ نور شاہ

سوشل ایکٹوسٹ ماہ نور شاہ

عالمی یومِ خواتین ہر سال 8 مارچ کو منایا جاتا ہے۔ یہ دن دنیا بھر کی خواتین کی طاقت، حوصلے اور کامیابیوں کو تسلیم کرنے اور انہیں خراجِ تحسین پیش کرنے کا دن ہے۔ یہ ہمیں یاد دلاتا ہے کہ خواتین خاندان، معاشرے اور قوم کی تعمیر و ترقی میں نہایت اہم کردار ادا کرتی ہیں۔
میری رائے میں یومِ خواتین صرف خوشی منانے کا دن نہیں بلکہ شعور اور برابری کا پیغام دینے کا دن بھی ہے۔ یہ دن اس بات کی یاد دہانی کراتا ہے کہ خواتین کی ہر شعبے میں خدمات کو سراہا جائے اور انہیں اپنے حقوق، تعلیم اور بہتر مواقع کے لیے آواز بلند کرنے کا حوصلہ دیا جائے۔
خواتین عزم، ہمت اور استقلال کی علامت ہیں۔ جب خواتین بااختیار بنتی ہیں تو معاشرے مضبوط، ترقی یافتہ اور خوشحال ہوتے ہیں۔ اس لیے ضروری ہے کہ ہم خواتین کی عزت اور حمایت صرف 8 مارچ کو نہیں بلکہ ہر دن کریں۔
یومِ خواتین ہمیں یہ پیغام دیتا ہے کہ خواتین کو بااختیار بنانا دراصل مستقبل کو بااختیار بنانا ہے۔