لوڈنگ گاڑیوں کو سبسڈی دینے کا مقصد اشیاء خورونوش کی قیمتوں میں اضافہ روکنا ہے، وزیراعظم

وزیراعظم شہباز شریف نے کہا لوڈنگ گاڑیوں کو سبسڈی دینےکا مقصد اشیاء خورونوش کی قیمتوں میں اضافہ روکنا ہے،جو سبسڈی پیر کوفراہم کرنی تھی،اسکا آغاز ہفتے کو ہوچکا ہے۔

 

وزیراعظم شہبازشریف کی زیرصدارت اجلاس میں پیٹرولیم مصنوعات پرسبسڈی کے نفاذ کا جائزہ لیا گیا، اجلاس کو سبسڈی کی فراہمی پر پیشرفت،ملک میں ایندھن کےذخائر اورکھپت پربریفنگ دی گئی،سبسڈی کے لیے تمام صوبوں نے ٹرک،بسیں اور مال بردار گاڑیوں کی تفصیلات فراہم کیں۔

 

وزیراعظم نےدوران اجلاس گفتگو میں کہاکرایوں میں اضافہ روکنےکیلئےمسافربسوں کوسبسڈی دی جا رہی ہے،مسافر بسوں کو 1 لاکھ،منی بس و ویگنوں کو 40 ہزار روپے ماہانہ سبسڈی دے رہے ہیں،ٹرک70 ہزار، بڑی مال بردارگاڑی 80 ہزار اورڈیلیوری وین کیلئے 35 ہزار سبسڈی ہے،سبسڈی رقوم کی فوری فراہمی کی ہدایت کی جس کا آغازگزشتہ روز سے ہوچکا،نظام میں شفافیت کیلئے یہ رقوم ڈیجیٹل والٹس کے ذریعے فراہم کی جارہی ہیں۔

 

وزیراعظم شہبازشریف نےوزیراعلی بلوچستان سرفراز بگٹی کا خصوصی طور پر شکریہ ادا کرتے ہوئے کہا بلوچستان حکومت نےقومی پیکیج کے لیےطےشدہ رقم جمع کرا دی جو لائق تحسین ہے،امید ہےباقی صوبے بھی اس پیکج کے لیے جلد از جلد طے شدہ رقوم جمع کرا دیں گے۔