انڈر 19 ورلڈ کپ: بنگلادیش کو شکست دیکر پاکستان سیمی فائنل میں پہنچ گیا

آئی سی سی انڈر 19 ورلڈ کپ کے سپر 6 مرحلے کے دوسرے اور اہم میچ میں پاکستان نے سنسنی خیز مقابلے کے بعد بنگلادیش کو 5 رنز سے ہرادیا۔ 

واضح رہے کہ اس فتح کے ساتھ ہی قومی ٹیم ایونٹ کے سیمی فائنل میں بھی پہنچ گئی۔

جنوبی افریقی شہر بینونی میں کھیلے گئے سپر 6 مرحلے کے اس میچ میں پاکستان انڈر 19 ٹیم پہلے بیٹنگ کرتے ہوئے 155 رنز پر آل آؤٹ ہوگئی۔

قومی ٹیم کی بیٹنگ لائن متاثر کن پرفارمنس نہ دکھا سکی۔ عرفات منہاس کے 34، شاہزیب خان نے 26 جبکہ شامل حسین اور علی اسفند نے 19، 19 رنز کی اننگز کھیلی۔

بنگلادیش کی جانب سے روہانات بورسن اور شیخ جبون نے چار، چار کھلاڑیوں کو آؤٹ کیا جبکہ محفوظ الرحمان کے حصے میں ایک وکٹ آئی۔