کوئٹہ میں وقفے وقفے سے بارش، بجلی اور گیس کی فراہمی متاثر

صوبائی دارالحکومت کوئٹہ کے مختلف علاقوں میں وقفے وقفے سے بارش کا سلسلہ جاری رہا، جس کے باعث موسم خوشگوار ہو گیا تاہم شہریوں کو بجلی اور گیس کی بندش کا سامنا بھی کرنا پڑا‘ شہر کے متعدد علاقوں میں کہیں ہلکی تو کہیں تیز بارش ریکارڈ کی گئی، جبکہ بعض مقامات پر ٹھنڈی ہواو¿ں نے سردی کی شدت میں اضافہ کر دیا‘کوئٹہ کے مختلف علاقے سرےاب روڈ‘ جناح ٹا¶ن‘ کاسی روڈ‘ شالدرہ‘ کلی درانی ‘ خروٹ آباد‘ نواں کلی اور ملحقہ علاقوں میں بارش کے دوران بجلی کی فراہمی معطل رہی، جس سے معمولاتِ زندگی متاثر ہوئے۔ کئی علاقوں میں گیس کی لوڈ پریشر اور بندش کی شکایات بھی سامنے آئیں، جس کے باعث گھریلو صارفین کو مشکلات کا سامنا کرنا پڑا۔بارش کے باعث بعض شاہراہوں اور گلیوں میں پانی جمع ہو گیا، جس سے ٹریفک کی روانی سست رہی‘ شہریوں نے متعلقہ اداروں سے نکاسی آب اور یوٹیلیٹی سروسز کی بحالی کے لیے فوری اقدامات کا مطالبہ کیا ہے۔