ڈنمارک کی پارلیمنٹ فلسطینی ریاست کو تسلیم کرنے کا بل مسترد کردیا

ڈنمارک کی پارلیمنٹ نے فلسطین کو تسلیم کرنے کے حوالے سے قرارداد مسترد کرتے ہوئے کہا ہے کہ فلسطین کے پاس ایک آزاد ملک کی حیثیت کے لیے درکار شرائط کی کمی ہے اور وہاں کوئی اتھارٹی موجود نہیں ہے۔

خبر رساں ایجنسی رائٹرز کے مطابق ڈنمارک کی پارلیمنٹ نے منگل کو فلسطینی ریاست کو تسلیم کرنے کے بل کو مسترد کر دیا۔

آئرلینڈ، اسپین اور ناروے نے منگل کو باضابطہ طور پر فلسطینی ریاست کو تسلیم کر لیا جہاں اسرائیل نے یورپی ممالک کے اس اقدام پر برہمی کا اظہار کرتے ہوئے اسے ان ممالک کی جانب سے حماس کو 7 اکتوبر کے حملے کا انعام قرار دے کر تینوں ملکوں سے اپنے سفیر کو واپس بلا لیا ہے۔