متوفی ملازم کی پنشن و مراعات پر پہلا حق بیوہ یا نامزد شخص کا ہے: سپریم کورٹ

چیف جسٹس یحییٰ آفریدی کی جانب سے تحریر کردہ چار صفحات پر مشتمل فیصلے میں کہا گیا ہے کہ پنشن کی ادائیگی متعلقہ قوانین اور ادارے کے سروس رولز کے مطابق ہی کی جا سکتی ہے، جبکہ صرف وراثت کی بنیاد پر پنشن کا دعویٰ قابل قبول نہیں۔

سپریم کورٹ نے واضح کیا کہ فوت شدہ ملازم کی پنشن کا حق صرف بیوہ یا قانون کے مطابق نامزد فرد کو حاصل ہوتا ہے، اس لیے بہن بھائیوں کو محض قانونی وارث ہونے کی بنیاد پر پنشن یا متعلقہ مراعات کا حق نہیں دیا جا سکتا۔

عدالتِ عظمیٰ نے اس معاملے میں فوت شدہ پیسکو ملازم کے بہن بھائیوں کی جانب سے وراثت نامہ جاری کرنے کی اپیل مسترد کرتے ہوئے پشاور ہائیکورٹ کا فیصلہ برقرار رکھا۔