ریمپ واک میں متھیرا اور صاحبہ کے لڑکھڑانے کی ویڈیوز وائرل

پاکستانی شوبز انڈسٹری کی معروف شخصیات متھیرا اور صاحبہ ایک فیشن ایونٹ میں ریمپ واک کے دوران پیش آنے والے غیر متوقع واقعے کے باعث سوشل میڈیا پر توجہ کا مرکز بن گئی ہیں۔

وائرل ویڈیوز میں دیکھا جا سکتا ہے کہ ریمپ پر چلتے ہوئے دونوں فنکاراؤں کو توازن برقرار رکھنے میں دشواری پیش آئی، جبکہ بعض مواقع پر وہ لڑکھڑاتی بھی نظر آئیں۔ سوشل میڈیا صارفین کا کہنا ہے کہ تقریب میں صرف متھیرا اور صاحبہ ہی نہیں بلکہ دیگر شرکا بھی بار بار توازن کھوتے دکھائی دیے، جس کے بعد ریمپ کی تیاری اور معیار پر سوالات اٹھنے لگے۔کئی صارفین نے رائے دی کہ ریمپ کی سطح مناسب نہیں تھی اور اس میں تکنیکی خامی موجود تھی، جس کی وجہ سے شرکا کو واک کے دوران مشکلات کا سامنا کرنا پڑا۔ بعض افراد کا کہنا تھا کہ اگر ریمپ میں مسئلہ تھا تو منتظمین کو شو شروع ہونے سے پہلے اسے درست کرنا چاہیے تھا تاکہ ایسے واقعات سے بچا جا سکے۔