گلہری نے میٹا کے دفتر میں ہلچل مچادی

میٹا کے بینکاک میں واقع دفتر میں گلہری نے ہلچل مچادی۔

غیرملکی خبررساں ادارے کی رپورٹ کے مطابق امریکی ٹیکنالوجی کمپنی میٹا کے بینکاک میں واقع دفتر میں اس وقت غیرمعمولی صورتحال پیدا ہوگئی جب پارسل سے اچانک گلہری باہر نکل آئی۔

گلہری کچھ دیر تک دفتر کے مختلف حصوں میں گھومتی رہی جس کے بعد موجود عملے میں کھلبلی مچ گئی۔

جب گلہری دفتر میں چھلانگیں لگا رہی تھی تو اس دوران صفائی کرنے والے عملے کے ایک رکن کی انگلی میں معمولی خراش بھی آئی۔

متعلقہ ٹیم کی جانب سے جلد ہی گلہری کو بحفاظت پکڑ کر صورتحال پر قابو پایا گیا۔

ایک ملازم مائیک آئزک نے بتایا کہ اس غیرمعمولی واقعے کے بعد ایک ملازم نے اے آئی کا استعمال کرتے ہوئے گلہری سے متعلق حفاظتی تدابیر پر مبنی مزاحیہ ویڈیو بھی بنائی ہے۔