تفتان بارڈر پر ایران سے مزید 532 افراد پاکستان پہنچ گئے

چاغی (آن لائن) تفتان بارڈر پر ایران سے آنے والے افراد کی آمد جاری، مزید 532 افراد پاکستان پہنچ گئے تفصیلات کے مطابق ایران سے مزید 532 افراد تفتان بارڈر کے راستے پاکستان پہنچ گئے۔ضلعی انتظامیہ کے مطابق آنے والوں میں 360 پاکستانی زائرین، 146 طلبہ، 24 ڈی پورٹیز اور 2 غیر ملکی شامل ہیں۔ ایران میں موجود پاکستانیوں کی وطن واپسی کا سلسلہ تفتان بارڈر کے ذریعے مسلسل جاری ہے۔انتظامیہ کا کہنا ہے کہ ایران سے اب تک مجموعی طور پر 2511 افراد تفتان بارڈر کے ذریعے پاکستان پہنچ چکے ہیں۔حکام کے مطابق آج پہنچنے والے 532 افراد کو بھی تفتان بارڈر سے قافلے کی صورت میں کوئٹہ روانہ کر دیا گیا ہے۔ڈپٹی کمشنر چاغی جہانزیب نور شاہوانی نے بتایا کہ ایران سے آنے والے تمام افراد کو تفتان بارڈر پر رہائش، خوراک اور دیگر ضروری سہولیات فراہم کی جا رہی ہیں تاکہ انہیں کسی قسم کی مشکلات کا سامنا نہ کرنا پڑے