شکیرا کا بھارت کے بعد قطر میں ہونے والا کنسرٹ بھی ملتوی
عالمی شہرت یافتہ گلوکارہ شکیرا کا بھارت کے بعد قطر میں ہونے والا کنسرٹ بھی ملتوی ہوگیا۔
خبر ایجنسی کی رپورٹ کے مطابق قطر میں شکیرا کا شیڈول کنسرٹ ملتوی کردیا گیا ہے۔
رپورٹ میں بتایا گیا کہ شکیرا کا کنسرٹ خطے کے موجودہ کشیدہ صورتحال کی وجہ سے ملتوی کیا گیا۔
اس سے قبل گریمی ایوارڈ یافتہ عالمی پاپ آئیکون شکیرا کا بھارت میں ہونے والا کنسرٹ ملتوی کردیا گیا تھا۔
انسٹاگرام پر جاری بیان میں کہا گیا تھا کہ موجودہ جغرافیائی سیاسی صورتحال اور علاقائی کشیدگی کے باعث شکیرا کے کنسرٹ کو آئندہ اعلان تک ملتوی کیا جا رہا ہے۔