بانی جب حکم دیں گے اسمبلی تحلیل کرنے میں وقت نہیں لوں گا، علی امین گنڈاپور

وزیر اعلیٰ خیبر پختونخوا علی امین گنڈاپور کا کہنا ہے کہ بانی پی ٹی آئی جب حکم دیں گے اسمبلی تحلیل کرنے میں وقت نہیں لوں گا، بجٹ میں بانی کی ہدایات کے مطابق تبدیلیاں لائیں گے۔

خیبر پختونخوا اسمبلی میں  اجلاس سے خطاب کرتے ہوئے علی امین گنڈاپور  نے کہا کہ صوبے میں مالیاتی ایمرجنسی کی کوئی سازش کامیاب نہیں ہونے دیں گے، اس سے پہلے کبھی نہیں دیکھا کہ گورنر نے بجٹ اجلاس کی سمری منظور نہ کی ہو۔

وزیر اعلیٰ نے کہا کہ بانی پی ٹی آئی سے ہماری ملاقات نہیں کروائی جارہی ہے، ہفتے کو بانی پی ٹی آئی کی پیشی تھی، سازش کرکے  پیشی منسوخ کروائی گئی تاکہ مشاورت نہ ہو سکے۔