تربت، خضدار، آواران اور ژوب میں تیز ہواؤں اور بارش کا امکان

بلوچستان کے تربت، خضدار، آواران اور ژوب جبکہ سندھ کے جیکب آباد، سکھر، لاڑکانہ، خیرپور، دادو، گھوٹکی اور کراچی میں بھی تیز ہواؤں اور بارش کا امکان ہے۔

ادارے نے خبردار کیا ہے کہ تیزی سے پگھلتے گلیشیئرز اور برفانی جھیلوں کے ٹوٹنے کے باعث ندی نالوں میں پانی کے بہاؤ میں اضافہ اور لینڈ سلائیڈنگ کا خطرہ موجود ہے، جس سے شاہراہوں اور بنیادی ڈھانچے کو نقصان پہنچ سکتا ہے۔

این ڈی ایم اے نے عوام کو ہدایت کی ہے کہ وہ غیر ضروری سفر سے گریز کریں، خاص طور پر پہاڑی اور سیاحتی علاقوں میں احتیاط برتیں اور ندی نالوں کے قریب جانے سے بچیں۔

ضلعی انتظامیہ اور متعلقہ اداروں کو حساس علاقوں میں الرٹ رہنے، نکاسی آب کے نظام کو بہتر بنانے اور ہنگامی صورتحال سے نمٹنے کی ہدایت بھی جاری کر دی گئی ہے۔