اسرائیلی فوج نے مزید 200 فلسطینی شہید کردیے
اسرائیلی فوج کے غزہ کے رہائشی علاقوں اور اسپتالوں پر وحشیانہ حملے جاری ہیں، ایک روز میں 200 فلسطینی شہید کردیے گئے، جس کے بعد شہداء کی تعداد 19 ہزار 400 سے تجاوز کر گئی۔
پوپ فرانسس کے بعد اٹلی نے بھی اسرائیلی کارروائیوں پر تنقید کی، اطالوی وزیر خارجہ نے کہا کہ دو خواتین کو ہلاک کرنے والے اسرائیلی اسنائپرز کی چرچ میں فائرنگ کا حماس کے خلاف لڑائی سے کوئی لینا دینا نہیں، دہشت گرد مسیحی گرجا گھروں میں نہیں چھُپے ہوئے۔