ایرانی صدر مسعود پزشکیان نے قدیم درخت کی تصویر کے ساتھ خصوصی پیغام جاری کردیا

ایرانی صدر مسعود پزشکیان نے ایک قدیم درخت کی تصویر کے ساتھ خصوصی پیغام جاری کرتے ہوئے ایران کی تہذیبی اور تاریخی جڑوں کو اجاگر کیا ہے۔

ایرانی صدر مسعود پزشکیان نے سوشل میڈیا پر ایک قدیم درخت کی تصویر شیئر کرتے ہوئے ایران کی تاریخی اور تہذیبی شناخت پر زور دیا ہے۔

صدر پزشکیان کے مطابق ساڑھے چار ہزار سال پرانے اس درخت کو ایشیا کے قدیم ترین جانداروں میں شمار کیا جاتا ہے، جو ایران کی قدیم تہذیب اور مضبوط تاریخی ورثے کی عکاسی کرتا ہے۔

اپنے پیغام میں ایرانی صدر نے کہا کہ ایران اپنی سرزمین میں گہری جڑیں رکھتا ہے اور اس کی مضبوط بنیادوں کو کوئی نہیں اکھاڑ سکتا۔