بلوچستان فوڈ اتھارٹی کا بڑا کریک ڈاون؛ سیوریج کے پانی سے کاشت 30 ایکڑ پر مضر صحت سبزیاں تلف

کوئٹہ : صوبائی وزیر و چیئرمین بلوچستان فوڈ اتھارٹی کے وڑن کے مطابق عوام کو معیاری و محفوظ خوراک کی یقینی فراہمی کیلئے بلوچستان فوڈ اتھارٹی کی انسپیکشن ٹیمیں صوبہ بھر میں متحرک ہیں۔ اس سلسلے میں جاری خصوصی مہم کے دوران کوئٹہ کے علاقوں سرور ٹاو¿ن اور سبزل میں سیوریج کے پانی سے کاشت کی جانے والی سبزیوں کے خلاف بڑے پیمانے پر کارروائی کرتے ہوئے تقریباً 30 ایکڑ رقبے پر موجود مضر صحت فصلوں کو تلف کر دیا گیاجبکہ آلودہ پانی کو کھیتوں تک پہنچانے والے تمام راستے بھی بند کر دیے گئے۔بلوچستان فوڈ اتھارٹی کی فوڈ سیفٹی ٹیموں نے ڈائریکٹر جنرل بلوچستان فوڈ اتھارٹی کی ہدایات پر ڈائریکٹر آپریشنز اور ڈپٹی ڈائریکٹر آپریشنز ہیڈکوارٹرز کی نگرانی میں کارروائی کے دوران مختلف زرعی رقبوں کا تفصیلی معائنہ کیا۔ سروے سے ثابت ہوا کہ متعدد کھیتوں میں سبزیوں کی فصلیں سیوریج اور بغیر ٹریٹمنٹ شدہ آلودہ پانی سے سیراب کی جا رہی تھیں، جو انسانی صحت کیلئے سنگین خطرات کا باعث بن سکتی ہیں۔کارروائی کے دوران گوبھی، دھنیا اور پودینہ سمیت مختلف فصلوں کو تلف کر دیا گیا تاکہ یہ مضر صحت سبزیاں مارکیٹ تک نہ پہنچ سکیں۔حکام کے مطابق آلودہ پانی سے اگائی گئی سبزیاں مختلف جراثیمی اور کیمیائی آلودگی کا سبب بن سکتی ہیں جو شہریوں کی صحت کیلئے شدید نقصان دہ ثابت ہوتی ہیں۔بی ایف اے ٹیموں نے کارروائی کو مزید مو¿ثر بناتے ہوئے ان تمام نالوں اور گزرگاہوں کو بھی بند کر دیا جن کے ذریعے سیوریج کا پانی فصلوں تک پہنچایا جا رہا تھا۔ حکام کا کہنا ہے کہ آلودہ آبپاشی کے ذرائع کا خاتمہ ایسے غیر قانونی عمل کی مستقل روک تھام کیلئے ناگزیر ہے۔دورانِ معائنہ یہ بھی معلوم ہوا کہ ایک متعلقہ زمیندار کے پاس ٹیوب ویل کی سہولت دستیاب ہے۔ اس صورتحال کے پیش نظر گوبھی اور پودینہ کے نمونے حاصل کرکے بلوچستان فوڈ اتھارٹی کی فوڈ ٹیسٹنگ لیبارٹری بھجوا دیے گئے جہاں ان کا تفصیلی تجزیہ کیا جائے گا۔ لیبارٹری نتائج کی روشنی میں مزید قانونی کارروائی عمل میں لائی جائے گی۔ بی ایف اے نے واضح کیا کہ عوامی صحت سے کھیلنے والے عناصر کے خلاف کسی قسم کی رعایت نہیں برتی جائے گی۔ صاف، محفوظ اور معیاری خوراک ہر شہری کا بنیادی حق ہے،جس کے تحفظ کیلئے صوبہ بھر میں انسپیکشن، نگرانی اور قانون پر عملدرآمد کا سلسلہ مزید مو¿ثر انداز میں جاری رکھا جائے گا۔ اتھارٹی کءجانب سے کاشتکاروں پر زور دیا گیا ہے کہ صرف صاف پانی سے فصلوں کی کاشت کو یقینی بنائیں تاکہ محفوظ زرعی پیداوار اور صحت مند معاشرے کے قیام کے مقصد کو حاصل کیا جا سکے۔