جمائما گولڈ سمتھ نے آئرش بزنس مین کیمرون اورلی سے دوسری شادی کرلی

برطانوی اخبار ڈیلی میل کے مطابق جمائما گولڈ سمتھ نے 62 سالہ آئرش بزنس مین کیمرون اورلی سے دوسری شادی کرلی ہے، جمائما کے بھائی نے بھی شادی کی تصدیق کردی ہے۔

جمائما گولڈ سمتھ کی پہلی شادی سابق وزیراعظم عمران خان سے ہوئی تھی، دونوں کی شادی 1995 میں ہوئی اور 2004 میں طلاق ہوگئی تھی۔

ایوارڈ یافتہ پروڈیوسر جمائما اور آئرش آسٹریلوی کاروباری شخصیت کے بارے میں کہا جاتا ہے کہ ان کی ملاقات فلموں اور دستاویزی فلموں کے سلسلے میں کام کے دوران ہوئی تھی۔

جمائما جونز کی شیئر کی گئی تصویر میں اس پُروقار مقام کی ایک جھلک دکھائی گئی، جہاں یہ جوڑا ایک شاندار پتھریلی عمارت کے احاطے میں موجود کنول کے تالاب کے کنارے کھڑا تھا۔

انہوں نے ہلکے نیلے رنگ کا ایک ڈھیلا ڈھالا لباس پہن رکھا تھا، جس پر رنگ برنگے نباتاتی نقش و نگار اور متضاد نیلے رنگ کی پٹی تھی، جبکہ بین گہرے رنگ کے مارننگ کوٹ، ہلکے سرمئی ویسٹ کوٹ اور دھاری دار پتلون میں نہایت نفیس نظر آ رہے تھے۔