آئی سی سی ون ڈے رینکنگ: بابراعظم 5 سال میں پہلی بار ٹاپ 2 سے باہر
انٹرنیشنل کرکٹ کونسل (آئی سی سی) نے نئی پلیئر رینکنگ جاری کر دی، جس کے مطابق ون ڈے انٹرنیشنل میں قومی ٹیم کے سابق کپتان بابراعظم 2020 کے بعد پہلی بار ٹاپ ٹو سے باہر ہوگئے ہیں۔
ویسٹ انڈیز کے خلاف 3 ون ڈے انٹرنیشنل میچز پر مشتمل سیریز کے دوران قومی ٹیم کے سابق کپتان بابراعظم ایک نصف سینچری بھی نہیں بناسکے اور مجموعی طور پر 3 میچوں میں انہوں نے 56 رنز بنائے۔
پہلے میچ میں 47 رنز بنانے کے بعد دیگر 2 میچوں میں بالترتیب صفر اور 9 رنز بنانے پر بابراعظم گزشتہ 5 سالوں میں پہلی بار ون ڈے رینکنگ میں ٹاپ ٹو سے باہر ہوگئے۔